இஸ்லாமிய அறிஞர் மறைவுக்கு இரங்கல்

இஸ்லாமிய அறிஞர் மறைவுக்கு இரங்கல்
வியாழக்கிழமை, செப்டம்பர் 13, 2007


துபாய்:

அகில இந்திய முஸ்லீம் தனிநபர் வாரியத்தின் நிறுவனரும், பொருளாளருமான மெளலானா அப்துல் கரீம் பரேக்கின் மறைவுக்கு துபாய் இந்திய இஸ்லாமிய மையம் இரங்கல் தெரிவித்துள்ளது.

பரேக், மகாராஷ்டிர மாநிலம் நாக்பூரில் நேற்று மரணமடைந்தார். பல்வேறு சமூக, கலாச்சார, மத அமைப்புகளில் பணியாற்றியுள்ளார் பரேக். ஏராளமான நூல்களையும் எழுதியுள்ளார். திருக்குரான் குறித்த விளக்கத்தையும் உருதில் எழுதியுள்ளார்.

அவருடைய மறைவுக்கு துபாய் இந்திய இஸ்லாமிய மையத் தலைவர் எஸ்.எம். சையத் கலீல் இரங்கல் தெரிவித்துள்ளார். மையத் துணைத் தலைவர் முகம்மது சல்மான் அகமதவும் இரங்கல் தெரிவித்துள்ளார்.